Ռուսաստանը պատրաստվում է օրինականացնել իսլամական բանկինգը Ռուսաստանում շուտով կարող է օրինականացվել իսլամական բանկինգը, որը ենթադրում է տոկոսային եկամուտների բացակայություն: Դրանով կկարողանան զբաղվել նոր տիպի ոչ վարկային ֆինանսական հաստատությունները? գործընկերային ֆինանսավորման կազմակերպությունները: Դրանց կարգավորիչ կդառնա Ռուսաստանի Կենտրոնական բանկը: Այդ կազմակերպությունները կկարողանան միջոցներ ներգրավել քաղաքացիներից եւ իրավաբանական անձանցից ու դրանք ներդնել նախագծերում: Իսլամական օրենքներով` արգելվում է տոկոսով փող տալ, ուստի բանկերը, ինչպես ցանկացած այլ վարկային հաստատություն, իրենց ստանդարտ պրոդուկտներով չեն կարող մատուցել իսլամական բանկինգի ծառայություններ: Իսլամական բանկինգը պարունակում է մի քանի արգելք եւ սահմանափակում: