«Սա հերթական COVID-ը չէ». ԱՀԿ ղեկավարը պարզաբանումներ է ներկայացրել հանտավիրուսի բռնկման վերաբերյալ

Մասնագետները հիշեցնում են, որ հանտավիրուսը սովորաբար մարդուն է անցնում կրծողների միջոցով և մարդուց մարդուն փոխանցման դեպքերը չափազանց հազվադեպ են։

Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Գեբրեյեսուսը հանդես է եկել հայտարարությամբ՝ փորձելով փարատել հանտավիրուսի նոր համավարակի վերաբերյալ հանրային մտահոգությունները։ Ըստ ԱՀԿ ղեկավարի՝ չնայած գրանցված դեպքերին, հանրային առողջապահական ռիսկը ներկայումս մնում է ցածր։

Իրավիճակը MV Hondius լայներում Մայիսի 11-ի երեկոյան MV Hondius լայները, որտեղ արձանագրվել էր վարակի բռնկումը, Տեներիֆե նավահանգստից ուղղություն է վերցրել դեպի Նիդերլանդներ։ Ըստ պաշտոնական տվյալների.

  • Վարակը հայտնաբերվել է 8 մարդու մոտ։

  • Գրանցվել է 3 մահվան դեպք։

  • Մեկ հիվանդ շարունակում է մնալ ծայրահեղ ծանր վիճակում։

ԱՀԿ-ի ուղերձը «Գիտեմ, որ 2020 թվականի ցավը դեռ իրական է, բայց սա հերթական COVID-ը չէ»,- նշել է Դոկտոր Թեդրոսը՝ ընդգծելով, որ հանտավիրուսը չունի այնպիսի տարածման ներուժ, ինչպիսին ուներ կորոնավիրուսը։

Մասնագետները հիշեցնում են, որ հանտավիրուսը սովորաբար մարդուն է անցնում կրծողների միջոցով և մարդուց մարդուն փոխանցման դեպքերը չափազանց հազվադեպ են։