Ինչո՞ւ է կաթվածահար եղել հեղուկ գազի շուկան

Այնուամենայնիվ, նախարարը նախազգուշացրեց, որ իրավիճակը լիարժեք չի վերադառնա նախկին հունին։

Հայաստանի հեղուկ գազի շուկայում վերջին օրերին արձանագրված գների 50% աճը և դեֆիցիտը մոտ օրերս մասնակիորեն կլուծվեն։ ՀՀ էկոնոմիկայի նախարար Գևորգ Պապոյանը լրագրողների հետ ճեպազրույցում տեղեկացրեց, որ Ռուսաստանից ներկրող մեքենաները, որոնք եղանակի պատճառով մնացել էին Լարսում, արդեն շարժվում են դեպի Հայաստան։

Այնուամենայնիվ, նախարարը նախազգուշացրեց, որ իրավիճակը լիարժեք չի վերադառնա նախկին հունին։ Պատճառը Մերձավոր Արևելքում շարունակվող հակամարտությունն է, որի հետևանքով Իրանից ներկրումը դեռևս դադարեցված է։ ՏՄՍՊՀ-ն իր հերթին փաստել է, որ գների բարձրացումը չարաշահման հետևանք չէ, քանի որ շուկայում գործում են 180 ներկրողներ, և թանկացումը զուտ օբյեկտիվ դեֆիցիտի արդյունք է։