Սպիտակ տունը զգուշացրել է աշխատակիցներին կանխատեսումների շուկաներում խաղադրույքներ չանել․ WSJ

Սպիտակ տունը զգուշացրել է աշխատակիցներին կանխատեսումների շուկաներում խաղադրույքներ չանել․ WSJ

Սպիտակ տունը զգուշացրել է իր աշխատակիցներին չօգտագործել իրենց պաշտոնական դիրքերը՝ Իրանի իրավիճակին առնչվող քաղաքական իրադարձությունների վրա խաղադրույքներ կատարելու համար: Այս մասին ապրիլի 9-ին հայտնել է The Wall Street Journal (WSJ)-ը՝ հղում անելով աղբյուրին:

«Իրանին հարվածները կտրուկ դադարեցնելու մասին ԱՄՆ նախագահ Դոնալդ Թրամփի հայտարարությունից մեկ օր անց Սպիտակ տունը զգուշացրել է աշխատակիցներին չչարաշահել իրենց դիրքերը՝ ֆյուչերսային շուկաներում ժամանակին խաղադրույքներ կատարելու համար», - ասվում է հաղորդագրության մեջ:

Զգուշացումը աշխատակիցներին ուղարկվել է Սպիտակ տնից էլեկտրոնային նամակով մարտի 24-ին:

Հրապարակման աղբյուրի համաձայն՝ Թրամփի երկշաբաթյա հրադադարի մասին հայտարարելուց 15 րոպե առաջ կատարվել է ավելի քան 760 միլիոն դոլարի նավթային ֆյուչերսային գործարք: