Ո՞ր եվրոպական երկրներն են լինելու ամենահարուստը մինչև 2030 թվականը

Եվրոպայի խոշոր տնտեսությունները շարունակում են ունենալ համեմատաբար միջին դիրքեր:

Արժույթի միջազգային հիմնադրամի կանխատեսումների համաձայն՝ մինչև 2030 թվականը Իռլանդիան կարող է զբաղեցնել առաջին տեղը Եվրոպայում մեկ շնչի հաշվով համախառն ներքին արդյունքի ցուցանիշով՝ առաջ անցնելով Լյուքսեմբուրգից։

2025 թվականին առաջատար դիրքում գտնվող Լյուքսեմբուրգը, ըստ գնահատականների, կիջնի երկրորդ տեղ։ Միևնույն ժամանակ, Իռլանդիայի բարձր ցուցանիշները մասնագետները կապում են տրանսազգային ընկերությունների ազդեցության հետ, ինչը որոշ չափով աղավաղում է վիճակագրությունը։

Առաջատար հնգյակը, ըստ կանխատեսումների, հիմնականում կմնա կայուն․ Նորվեգիան, Շվեյցարիան և Դանիան կշարունակեն պահպանել բարձր դիրքերը։

Վարկանիշում էական վերադասավորումներ չեն սպասվում․ բարձր եկամուտ ունեցող երկրները պահպանելու են իրենց դիրքերը, իսկ ցածր ցուցանիշ ունեցողները հիմնականում կմնան նույն խմբում։

Եվրոպայի խոշոր տնտեսությունները շարունակում են ունենալ համեմատաբար միջին դիրքեր․ Գերմանիան՝ 12-րդ, Ֆրանսիան՝ 15-րդ, Միացյալ Թագավորությունը՝ 16-րդ, Իտալիան՝ 18-րդ, Իսպանիան՝ 22-րդ։

Վարկանիշի ստորին հատվածում հիմնականում գտնվում են ԵՄ թեկնածու երկրները։

Տվյալները ցույց են տալիս, որ մեկ շնչի հաշվով ՀՆԱ-ի ցուցանիշում տարբերությունները Եվրոպայում շարունակում են մնալ զգալի՝ պայմանավորված ինչպես տնտեսական կառուցվածքով, այնպես էլ արտադրողականության մակարդակով։