«Ադրբեջանի հետ չենք քննարկում ոչ ԼՂ հայերի, ոչ էլ Բաքվի հայերի վերադարձի հարցը». վարչապետ

Դա էժան ներքաղաքական շահարկում է, և ոչ ավելին։

Վարչապետ Նիկոլ Փաշինյանն այսօր տեղի ունեցած ճեպազրույցի ժամանակ հայտարարել է, որ Հայաստանի կառավարությունը Ադրբեջանի հետ բանակցություններում չի ներառել Արցախի հայերի կամ Բաքվի հայերի վերադարձի թեման։ Վարչապետի խոսքով՝ այս հարցերի քննարկումը ներկա փուլում ունի «պրովոկատիվ ազդեցություն» և կարող է թեժացնել քաղաքական իրավիճակը։

«Դա էժան ներքաղաքական շահարկում է, և ոչ ավելին»,- նշել է Փաշինյանը՝ հավելելով, որ այս թեմաներն օրակարգում պահող ուժերը նպատակ ունեն էսկալացնել իրավիճակը։ Կառավարության ղեկավարը շեշտել է, որ նման հարց երբևէ չի քննարկվել, քանի որ մեկ հարցի արծարծումը բերում է մյուսի թեժացմանը, ինչը վտանգավոր է ընթացիկ խաղաղության գործընթացի համար։