Զգուշացում դպրոցներին. ԿԳՄՍ նախարարության անունից կեղծ նամակներ են տարածվում

ՀՀ Կրթության, գիտության, մշակույթի և սպորտի նախարարությունը (ԿԳՄՍՆ) հանդես է եկել հայտարարությամբ՝ զգուշացնելով հանրակրթական դպրոցների տնօրեններին տարածվող ապատեղեկատվության մասին։ Ըստ նախարարության՝ դպրոցների պաշտոնական էլեկտրոնային հասցեներին նամակներ են ուղարկվում հանրակրթության վարչության պետ Թամարա Սարգսյանի անունից, որոնք սակայն որևէ առնչություն չունեն գերատեսչության հետ։

Նախարարությունը հորդորում է տնօրեններին չվստահել կասկածելի աղբյուրներից ստացվող հաղորդագրություններին և առաջնորդվել բացառապես պաշտոնական հարթակներում հրապարակվող տեղեկատվությամբ։ Գերատեսչությունը նաև հայտարարել է, որ հետևողական է լինելու մանիպուլյատիվ գործողությունների հեղինակներին բացահայտելու հարցում։