Զգուշացում սպառողներին. Zwilling ապրանքանիշի վտանգավոր թեյնիկներ են ներմուծվել Հայաստան

Պարզվել է, որ ներմուծված ապրանքների բռնակները կարող են կոտրվել օգտագործման ընթացքում՝ առաջացնելով այրվածքների լուրջ վտանգ։

ՀՀ շուկայի վերահսկողության տեսչական մարմինը հանդես է եկել հայտարարությամբ՝ տեղեկացնելով գերմանական հայտնի Zwilling ընկերության որոշ թեյնիկների վտանգավորության մասին։ Պարզվել է, որ ներմուծված ապրանքների բռնակները կարող են կոտրվել օգտագործման ընթացքում՝ առաջացնելով այրվածքների լուրջ վտանգ։

Ո՞ր մոդելների մասին է խոսքը Վտանգավոր են համարվում հետևյալ մոդելների սպիտակ և սև գույնի թեյնիկները.

• Enfinigy (1.5 լ)

• Enfinigy Pro (1.5 լ)

Ինչպե՞ս վարվել Տեսչական մարմինը հորդորում է ձեռք բերված ապրանքների փոխհատուցման համար կապ հաստատել արտադրողի հետ ` zwilling.com/kettle-recall հղումով։ Անհրաժեշտության դեպքում սպառողները կարող են դիմել նաև տեսչական մարմնին՝ ապրանքը վերադարձնելու նպատակով։

Կոնտակտային տվյալներ.

• Հեռախոս. 060 68 02 42

• Թեժ գիծ. 85 20