ԱՄՆ-ն հայտարարել է Իրանի դեմ «Տնտեսական զայրույթ» գործողության մեկնարկի մասին

ԱՄՆ-ը պատրաստ է սրել ռազմական գործողությունները:

ԱՄՆ պաշտպանության նախարար Փիթ Հեգսեթը հայտարարել է Իրանի դեմ «Տնտեսական զայրույթ» գործողության մեկնարկի մասին, որի նպատակն է առավելագույն տնտեսական ճնշում գործադրել Թեհրանի վրա։

Նրա խոսքով՝ գործողությունը իրականացվում է ԱՄՆ կառավարության տարբեր կառույցների մասնակցությամբ։ Ֆինանսների նախարար Սքոթ Բեսենթը համակարգում է միջոցառումները՝ ուղղված տնտեսական սահմանափակումների խստացմանը։

Հեգսեթը նաև նշել է, որ ԱՄՆ-ը պատրաստ է սրել ռազմական գործողությունները, եթե իրավիճակը պահանջի, և կոչ է արել Իրանին հաշվի առնել հնարավոր հետևանքները։

Նա ընդգծել է, որ ամերիկյան զինված ուժերը կարող են արագ անցում կատարել ակտիվ ռազմական գործողություններից դեպի շրջափակման մեխանիզմների կիրառում և հակառակը՝ կախված իրավիճակից։

Ներկայացված հայտարարությունները ցույց են տալիս, որ ԱՄՆ-ը համադրում է տնտեսական և ռազմական գործիքները՝ Իրանի նկատմամբ ճնշումը մեծացնելու նպատակով։