Թրամփը վերջնագիր է ներկայացրել Իրանին

Իսրայելը շարունակում է պահպանել ռազմական հարվածի հավանականությունը։

ԱՄՆ նախագահ Դոնալդ Թրամփը հանդես է եկել Թեհրանի հասցեին ուղղված կոշտ հայտարարություններով՝ պնդելով, որ Իրանը «հուսահատորեն» գործարք է փնտրում։ Սպիտակ տան ղեկավարի պայմանն անփոփոխ է. Իրանը պետք է վերջնականապես հրաժարվի միջուկային զենք ունենալուց։ «Նրանք կամ ինքնակամ կտան հարստացված ուրանը, կամ մենք կվերցնենք այն»,- շեշտել է Թրամփը՝ միաժամանակ հավելելով, որ այս պահին ռազմական գործողությունների անհրաժեշտություն դեռ չի տեսնում։

Սակայն Վաշինգտոնի այս դիրքորոշմանը զուգահեռ, Իսրայելը շարունակում է պահպանել ռազմական հարվածի հավանականությունը։ Իսրայելի պաշտպանության նախարար Իսրայել Կացը հայտարարել է, որ Թրամփն ու Նեթանյահուն լիովին համակարգում են իրենց ջանքերը։ Ըստ Կացի՝ վերջին մեկ տարում Իրանը կրել է ռազմավարական լուրջ վնասներ, ինչը Իսրայելին և ԱՄՆ-ին թույլ է տալիս գործել ուժի դիրքերից՝ Թեհրանին մղելով զիջումների։