Թրամփը կոշտ քննադատել է Հռոմի պապ Լևոն XIV-ին

ԱՄՆ նախագահը նաև ընդգծել է, որ մերժում է իր վարչակազմի հասցեին հնչող քննադատությունը։

ԱՄՆ նախագահ Դոնալդ Թրամփը կոշտ քննադատության է ենթարկել Հռոմի պապ Լևոն XIV-ին։

Նա Truth Social-ում հրապարակած գրառման մեջ պնդել է, որ Կաթոլիկ եկեղեցու առաջնորդը «թույլ է հանցագործության հարցում և սարսափելի՝ արտաքին քաղաքականության մեջ»։

Թրամփը նշել է, որ չի համաձայնում պապի դիրքորոշման հետ Իրանի և Վենեսուելայի հարցերում։

Նրա խոսքով՝ անընդունելի է այն մոտեցումը, ըստ որի Իրանը կարող է ունենալ միջուկային զենք, ինչպես նաև քննադատությունը ԱՄՆ քաղաքականության նկատմամբ Վենեսուելայի հարցում։

ԱՄՆ նախագահը նաև ընդգծել է, որ մերժում է իր վարչակազմի հասցեին հնչող քննադատությունը։

Բացի այդ, Թրամփը կարծիք է հայտնել, որ Լևոն XIV-ը չէր զբաղեցնի իր ներկայիս պաշտոնը՝ եթե չլինեին Սպիտակ տանը տեղի ունեցող որոշ գործընթացներ։

Նա կոչ է արել Հռոմի պապին «կենտրոնանալ եկեղեցու ղեկավարի իր պարտականությունների վրա»։