TOON EXPO․ամենամասշտաբային միջոցառումն իր դռները կբացի մարտի 27-29-ին

Տուն գնելը սովորաբար ամիսների որոշում է, բայց TOON EXPO․Invest 2026-ը առաջարկում է այդ ճանապարհը տեղավորել ընդամենը երեք օրում։

Մարտի 27-29-ին Մերիդիան էքսպո կենտրոնում մեկ վայրում կհավաքվի գրեթե ամբողջ անշարժ գույքի շուկան՝ ներկայացնելով ոչ միայն Հայաստանի, այլև արտերկրի ներդրումային նախագծեր։ 

Արդեն գրանցվել են ավելի քան 100 տեղական ու միջազգային ընկերություններ՝ առաջարկելով շուրջ 30.000 բնակարան, իսկ այցելուներ կլինեն ավելի քան 26 երկրից։ Կազմակերպիչների խոսքով՝ հետաքրքրությունը զգալիորեն աճել է, այդ թվում՝ Սփյուռքի կողմից, ինչն այս տարվա էքսպոյին տալիս է ավելի ընդգծված միջազգային շունչ։

Ցուցահանդեսը կներկայանա երկու սրահով․ 1-ինում՝ կառուցապատում, անշարժ գույք, բանկային ու ներդրումային առաջարկներ, 2-րդում՝ մատակարարներ՝ շինարարական նյութերից մինչև դիզայնի լուծումներ։ 

Մասնակիցների համոզմամբ՝ TOON EXPO-ն պարզապես ցուցահանդես չէ, այլ շուկայի զարգացման հարթակ, որը խթանում է մրցակցությունն ու նոր գաղափարները՝ միաժամանակ զգալիորեն ակտիվացնելով գործարքների ծավալը։

*գովազդ