ՀԷՑ-ի նոր բաժանորդ դառնալու սակագները փոփոխվել են․ որքան կկազմի վճարը

Որոշումն ուժի մեջ կմտնի այն հրապարակելու հաջորդ օրը:

ՀՀ հանրային ծառայությունները կարգավորող հանձնաժողովը որոշում է ընդունել ՀԷՑ-ի նոր բաժանորդ դառնալու սակագները զգալիորեն նվազեցնելու մասին։

ՀԷՑ-ի պաշտոնակատար Ռոմանոս Պետրոսյանի փոխանցմամբ՝ ֆիզիկական և իրավաբանական անձանց համար բաշխման ցանցին միացման վճարները կնվազեն մինչև 40%-ով։

Միևնույն ժամանակ, էլեկտրաէներգիայի հզորությունների ավելացման կամ նոր հզորությունների միացման վճարները կնվազեն մինչև 55%-ով։

Նշվում է, որ որոշումն ուժի մեջ կմտնի հրապարակմանը հաջորդող օրը։

Պետրոսյանը փոփոխությունը բնութագրել է որպես քաղաքացիակենտրոն կարևոր բարեփոխում՝ շնորհակալություն հայտնելով գործընթացում ներգրավված կառույցներին։