Կառավարությունը 684 մլն դրամ է հատկացրել «Concours Mondial de Bruxelles – 2026»-ի համար

Ակնկալվում է, որ միջոցառման շրջանակում Հայաստան կժամանեն ավելի քան 370 միջազգային փորձագետներ և շուրջ 400 պատվիրակներ աշխարհի տարբեր երկրներից։

Կառավարության մայիսի 7-ի որոշմամբ՝ Հայաստանը պաշտոնապես պատրաստվում է հյուրընկալել գինու աշխարհի ամենահեղինակավոր միջազգային մրցույթներից մեկը՝ «Concours Mondial de Bruxelles – 2026»-ը։ Մրցույթի կազմակերպման համար պետական բյուջեից հատկացվել է 684 մլն դրամ (շուրջ 1,8 մլն դոլար)։

Ակնկալվում է, որ միջոցառման շրջանակում Հայաստան կժամանեն ավելի քան 370 միջազգային փորձագետներ և շուրջ 400 պատվիրակներ աշխարհի տարբեր երկրներից։ Սա բացառիկ հնարավորություն է հայկական գինիները միջազգային շուկայում ներկայացնելու և երկրի զբոսաշրջային պոտենցիալը բացահայտելու համար։