Telegram-ի այլընտրա՞նք․ ինչպես են հաղորդակցվում օգտատերերը սահմանափակումների ֆոնին

Ռուսաստանում Telegram-ի սահմանափակումների ֆոնին ասիական մեսենջերների օգտատերերի թիվը մարտին զգալի աճ է գրանցել։

МТС AdTech-ի տվյալներով թուրքական BiP մեսենջերի լսարանն աճել է 105%-ով՝ հասնելով 1,68 միլիոնի։

Կորեական KakaoTalk-ը ավելացրել է օգտատերերի թիվը 82%-ով՝ մինչև 436 հազար, իսկ չինական WeChat-ը՝ 15%-ով՝ հասնելով 1,15 միլիոնի։

Ամենամեծ աճը գրանցել է Telegram-ի ոչ պաշտոնական հաճախորդը՝ Telega-ն, որի լսարանն աճել է 160%-ով՝ հասնելով 7,5 միլիոն օգտատիրոջ։

Սակայն մասնագետները զգուշացնում են, որ հավելվածը կարող է կորցնել իր օգտատերերի մինչև 35%-ը։ Պատճառը App Store-ից դրա հեռացումն է, ինչպես նաև Telegram-ի կողմից ոչ պաշտոնական հավելվածներից օգտվողների առանձնացումը։

Չնայած սահմանափակումներին՝ Telegram-ը շարունակում է պահպանել առաջատար դիրքը Ռուսաստանում՝ ամսական 102 միլիոն օգտատերով։ Առաջին եռամսյակում դրա լսարանը նվազել է ընդամենը 1,5%-ով։