2025-ի բյուջեն ցույց է տալիս՝ որտեղ է կենտրոնացած տնտեսական ակտիվությունը

ՀՀ ՊԵԿ-ի հրապարակած տվյալներով՝ 2025թ. հունվար-օգոստոսին պետական բյուջեի եկամուտները կազմել են 1,769,332.4 մլն դրամ, որոնք ձևավորվել են հարկերից ու տուրքերից։

ԱԱՀ-ի աճը

Ավելացված արժեքի հարկի (ԱԱՀ) մուտքերը 2025թ․-ի հունվար-օգոստոսին աճել են 23․9%-ով՝ կազմելով 567,291.1 մլն դրամ։ Սա ամենամեծ աճն է բոլոր հիմնական հարկատեսակների մեջ։

Եկամտային հարկ

Եկամտային հարկից ստացված մուտքերը կազմել են 476,477.3 մլն դրամ, ինչը 10%-ով ավել է նախորդ տարվա նույն ժամանակահատվածի համեմատ։

Շահութահարկ

Շահութահարկի մուտքերն աճել են 19․2%-ով և կազմել 306,398.9 մլն դրամ՝ ցույց տալով բիզնեսների շահութաբերության շարունակական բարձրացում։

Ակցիզային հարկ

Ակցիզային հարկից ստացված մուտքերը աճել են 15․5%-ով՝ հասնելով 95,276.1 մլն դրամի։

Սոցիալական վճարումներ

Սոցիալական վճարումները 2025թ․-ի ութ ամիսներին կազմել են 77,118.9 մլն դրամ, ինչը 13.3%-ով ավելի է 2024թ․-ի համադրելի ցուցանիշից։

Շրջանառության հարկ

Շրջանառության հարկի ծավալներն աճել են 27.8%-ով՝ կազմելով 55,279.4 մլն դրամ, ինչը վկայում է փոքր ու միջին բիզնեսի շրջանառության աճի մասին։

Պետական տուրք

Պետական տուրքի մուտքերը գրանցել են ամենաբարձր աճերից մեկը՝ 39․2%, և կազմել 56,370.6 մլն դրամ։

Մաքսատուրք

Մաքսատուրքի մուտքերը աճել են նվազագույն՝ 0․2%-ով՝ հասնելով 48,934.0 մլն դրամի, ինչը հիմնականում պայմանավորված է ներմուծման կայուն ծավալներով։

Բնապահպանական վճարներ

Բնապահպանական և բնօգտագործման վճարներից ստացված եկամուտները նվազել են 38․6%-ով՝ կազմելով 34,578.1 մլն դրամ։

Այլ հարկեր

Այլ հարկերից ստացված եկամուտները կազմել են 51,608.0 մլն դրամ, որը 2.6%-ով պակաս է նախորդ տարվա նույն ժամանակահատվածի համեմատ։