Կասեցվել է «Արտբեն» ՍՊԸ-ին պատկանող լցակայանի հեղուկ գազի վաճառքի գործունեությունը

Լցակայանը գտնվում է Կոտայքի մարզի Վերին Պտղնի համայնքում

ՀՀ շուկայի վերահսկողության տեսչական մարմնի (ՇՎՏՄ) կողմից իրականացվող վերահսկողական գործողությունների շրջանակում խախտումներ են հայտնաբերվել հեղուկացված ածխաջրածնային գազի և բենզինի մանրածախ վաճառքով զբաղվող «Արտբեն» ՍՊԸ-ին պատկանող լցակայանում։

Լցակայանը գտնվում է Կոտայքի մարզի Վերին Պտղնի համայնքում (հասցե՝ թիվ 1)։

Ստուգման արդյունքում պարզվել է, որ տնտեսվարող սուբյեկտը շահագործել է չստուգաչափված չափիչ միջոցներ։ Հայտնաբերված խախտումների հիմքով կասեցվել է հեղուկացված ածխաջրածնային գազի երկու վառելիքաբաշխիչ աշտարակների գործունեությունը՝ մինչև խախտումների ամբողջական վերացումը։

ՇՎՏՄ-ից տեղեկացնում են, որ արձանագրված իրավախախտումների համար «Արտբեն» ՍՊԸ-ն կենթարկվի վարչական պատասխանատվության՝ օրենքով սահմանված կարգով։