Հարցում․ դպրոցներում հեռախոսների արգելքը հիմնականում դրական է գնահատվել

Ուսուցիչների 71.2%-ը նշել է, որ երբեմն հեռախոսների օգտագործման անհրաժեշտություն կա։

Երևանի դպրոցներում անցկացված սոցիոլոգիական հարցման արդյունքները ցույց են տալիս, որ հեռախոսների օգտագործման սահմանափակումը հիմնականում դրական ազդեցություն է ունեցել ուսումնական գործընթացի վրա։

Հարցմանը մասնակցել է շուրջ 20 հազար ռեսպոնդենտ՝ ուսուցիչներ, աշակերտներ և ծնողներ։

Հանրակրթության վարչության պետ Մարգարիտ Խաչատրյանի խոսքով՝ հարցված ուսուցիչների 48.2%-ը ունի 20 և ավելի տարվա ստաժ։

Միաժամանակ պարզվել է, որ հարցվողների 93.5%-ը տեղյակ չի եղել հեռախոսների օգտագործման սահմանափակումների մասին։

Ուսուցիչների 63.7%-ը, աշակերտների 58.5%-ը և ծնողների 82.5%-ը նշել են, որ արգելքը բարելավել է դասերի ընթացքում ուշադրությունը։

Միևնույն ժամանակ աշակերտների 16%-ը կարծում է, որ այն վատացրել է իրենց ուշադրությունը, իսկ 50%-ը կարծում է, որ փոփոխությունը չի ազդել առաջադիմության վրա։

Ուսուցիչների 71.2%-ը նշել է, որ երբեմն հեռախոսների օգտագործման անհրաժեշտություն կա։

Հարցման տվյալներով՝ 63.4%-ը կարծում է, որ սահմանափակումները նվազեցրել են առցանց կոնֆլիկտներն ու կիբերբուլինգը։

Ընդհանուր առմամբ փոփոխությունները դրական են գնահատել ուսուցիչների 93.3%-ը, աշակերտների 82.7%-ը և ծնողների 96.5%-ը։

Երևանի քաղաքապետ Տիգրան Ավինյանը ևս դրական է գնահատել այս որոշումը։