Սուրեն Պապիկյանը Իրանում հանդիպել է Ազիզ Նասիրզադեի հետ

Հանդիպմանը մասնակցել է նաև ԻԻՀ-ում ՀՀ արտակարգ և լիազոր դեսպան Գրիգոր Հակոբյանը։

Իրանի Իսլամական Հանրապետություն կատարած պաշտոնական այցի շրջանակում ՀՀ պաշտպանության նախարար Սուրեն Պապիկյանը հանդիպել է Իրանի պաշտպանության և զինված ուժերի աջակցման նախարար, բրիգադի գեներալ Ազիզ Նասիրզադեի հետ։

Հանդիպմանը մասնակցել է նաև ԻԻՀ-ում ՀՀ արտակարգ և լիազոր դեսպան Գրիգոր Հակոբյանը։

Սուրեն Պապիկյանը սոցիալական ցանցերում գրել է, որ կողմերը բարձր են գնահատել պաշտպանության բնագավառում Հայաստան-Իրան համագործակցության մակարդակը և վերահաստատել պատրաստակամությունը շարունակելու աշխատանքները երկկողմ հարաբերությունների զարգացման ուղղությամբ։

Քննարկվել են փոխգործակցությանը վերաբերող մի շարք հարցեր, ինչպես նաև տեղի է ունեցել մտքերի փոխանակում տարածաշրջանային և միջազգային անվտանգությանն առնչվող թեմաների շուրջ։