ՀՀ պետբյուջեի եկամուտներն աճել են շուրջ 12%-ով. առաջին եռամսյակի ամփոփ ցուցանիշները

ՀՀ վիճակագրական կոմիտեի հրապարակած վերջին տվյալների համաձայն՝ 2026 թվականի հունվար-մարտ ամիսներին ՀՀ պետական բյուջեի եկամուտները կազմել են 668.5 մլրդ դրամ։

Սա նախորդ տարվա նույն ժամանակահատվածի համեմատ զգալի աճ է՝ 71.2 մլրդ դրամով կամ 11.9%-ով։

Ծախսեր և հավելուրդ Պետական բյուջեի ծախսային մասը ևս աճ է արձանագրել, սակայն ավելի դանդաղ տեմպերով, քան եկամուտները։ 2026թ. առաջին եռամսյակում ծախսերը կազմել են 603.3 մլրդ դրամ, ինչը 4.7%-ով գերազանցում է 2025թ. ցուցանիշը։ Արդյունքում, պետբյուջեի հավելուրդը կազմել է 65.2 մլրդ դրամ, ինչը 44 մլրդ դրամով ավելի է նախորդ տարվա առաջին եռամսյակի ցուցանիշից։

Մարտ ամսվա ցուցանիշները Միայն մարտ ամսվա կտրվածքով պատկերն այլ է.

• Եկամուտներ. 238.3 մլրդ դրամ

• Ծախսեր. 251.4 մլրդ դրամ

• Պակասուրդ. 13.1 մլն դրամ

Առաջին եռամսյակի դրական դինամիկան հիմնականում պայմանավորված է հունվար և փետրվար ամիսների բարձր հավելուրդային ցուցանիշներով։