S&P-ն հայտարարել է գնաճային սպասումների կտրուկ շրջադարձի մասին

S&P Global Ratings միջազգային վարկանիշային գործակալությունն ընթացիկ տարում նվազեցրել է եվրոգոտու եւ Չինաստանի ՀՆԱ աճի իր կանխատեսումը՝ միաժամանակ պահպանելով ԱՄՆ համար գնահատականը: Այսպես, S&P-ն ակնկալում է, որ 2022 թվականին եվրոգոտու տնտեսությունը կաճի 2,6%-ով եւ ոչ թե մայիսին կանխատեսված 2,7%-ով: Գործակալությունը, մասնավորապես, վատթարացրել է ՀՆԱ աճի սպասումները Ֆրանսիայի եւ Իսպանիայի համար, մինչդեռ Գերմանիայի եւ Իտալիայի կանխատեսումները պահպանվել են։ Իսկ 2023 թվականին եվրոգոտու ՀՆԱ-ն կաճի 1,9%-ով։ Բացի այդ, գործակալությունը նվազեցրել է Չինաստանի տնտեսության վերաբերյալ իր կանխատեսումը. այժմ 2022 թվականին ակնկալվում է 3,3% աճ, նախկինում սպասվում էր 4,2%։ Հաջորդ տարվա համար ընդհակառակը՝ կանխատեսումը բարելավվել է մինչեւ 5,5%։ Միաժամանակ, 2022 թվականի համար S&P-ն պահպանել է ամերիկյան տնտեսության աճի մայիսյան կանխատեսումը 2,4%-ի մակարդակում, սակայն հաջորդ տարի այն 2%-ից նվազել է մինչեւ 1,6%։