Սաուդյան Արաբիայի կորուստները գերազանցել են 10 մլրդ դոլարը

Տնտեսական ճնշումների ֆոնին Սաուդյան Արաբիայի իշխանությունները վերանայում են խոշոր ենթակառուցվածքային ծրագրերի ժամանակացույցը՝ նպատակ ունենալով կրճատել ծախսերը։

ԱՄՆ-ի կողմից Իրանի դեմ իրականացվող ռազմական գործողությունների հետևանքով Սաուդյան Արաբիայի տնտեսական կորուստները գերազանցել են 10 միլիարդ դոլարը։ Այս մասին հայտնում է The Wall Street Journal-ը՝ հղում անելով սեփական աղբյուրներին։

Պարբերականի տվյալներով՝ վնասները ներառում են ինչպես բաց թողնված եկամուտները, այնպես էլ հավելյալ ծախսերը։

Հիմնական ազդեցությունը կապված է Հորմուզի նեղուցում նավագնացության սահմանափակումների հետ, ինչը նվազեցրել է նավթային արտահանման ծավալները։

Բացի այդ, կորուստները պայմանավորված են նաև իրանական պատասխան հարվածներից առաջացած վնասներով, ինչպես նաև միջազգային խոշոր միջոցառումների չեղարկմամբ, այդ թվում՝ «Ֆորմուլա-1»-ի մրցաշարի։

Տնտեսական ճնշումների ֆոնին Սաուդյան Արաբիայի իշխանությունները վերանայում են խոշոր ենթակառուցվածքային ծրագրերի ժամանակացույցը՝ նպատակ ունենալով կրճատել ծախսերը։

Միաժամանակ քննարկվում է նաև պաշտպանական բյուջեի ավելացման հնարավորությունը, ինչը ենթադրում է ֆինանսական ռեսուրսների վերաբաշխում։