Ռուսաստանում կասեցվել է «Ջերմուկ» հանքային ջրի խմբաքանակի վաճառքը

Արգելքը վերաբերում է 2026 թվականի փետրվարի 17-ի և մարտի 5-ի արտադրության հանքային ջրին։

Ռուսաստանի «Честный знак» մակնշման պետական համակարգը կասեցրել է հայկական «Ջերմուկ» հանքային ջրի որոշ խմբաքանակի վաճառքը՝ թե՛ օֆլայն, թե՛ առցանց խանութներում։

Ըստ РБК-ի՝ շրջանառության մեջ գտնվող շուրջ 338 հազար շիշ արգելափակվել է մինչև ստուգումների ավարտը։

Որոշման հիմքում «Ռոսպոտրեբնադզորի» նամակն է, որտեղ նշվում է, որ անհրաժեշտ է անհապաղ միջոցներ ձեռնարկել՝ հնարավոր վտանգները կանխելու համար։

Պատճառը ներկայացվում է որպես «պարտադիր պահանջների խախտումներ»։

Արգելքը վերաբերում է 2026 թվականի փետրվարի 17-ի և մարտի 5-ի արտադրության հանքային ջրին։

Մակնշման համակարգի ներկայացուցիչ Ռևազ Յուսուպովի խոսքով՝ մինչև ստուգումների ավարտը տվյալ արտադրանքը չի հասնի սպառողներին։

Նշվում է, որ սա առաջին դեպքը չէ․ 2024 թվականին ևս կասեցվել էր «Ջերմուկի» մոտ 2,5 միլիոն շշի վաճառքը՝ Հյուսիսային Օսիայում արձանագրված թունավորման դեպքից հետո։