Ինչ եղանակ է սպասվում Հայաստանում

Քամին կլինի հարավարևմտյան՝ 2-5 մ/վ, սակայն ամպրոպի ժամանակ հնարավոր է ուժգնացում մինչև 16-20 մ/վ։

Երևանում ապրիլի 29-ին կեսօրից հետո քաղաքի առանձին հատվածներում հնարավոր է կարճատև անձրև և ամպրոպ։ Այս մասին հայտնում են «Հիդրոօդերևութաբանության և մոնիթորինգի կենտրոն»-ից։

Ապրիլի 30-ին սպասվում է առանց տեղումների եղանակ։

Մայիսի 1-4-ին գիշերը և երեկոյան ժամերին սպասվում են կարճատև անձրևներ և ամպրոպներ, որոնց ընթացքում քամու արագությունը կարող է հասնել 16-19 մ/վ։

Հանրապետության տարածքում ապրիլի 29-ի ցերեկը, ինչպես նաև մայիսի 1-4-ը առանձին շրջաններում սպասվում են տեղումներ, տեղ-տեղ՝ նաև կարկուտ։

Քամին կլինի հարավարևմտյան՝ 2-5 մ/վ, սակայն ամպրոպի ժամանակ հնարավոր է ուժգնացում մինչև 16-20 մ/վ։

Օդի ջերմաստիճանը ապրիլի 29-ի ցերեկը կնվազի 2-3 աստիճանով, իսկ ապրիլի 30-ից մայիսի 3-ը աստիճանաբար կբարձրանա 4-5 աստիճանով։ Լոռիում, Տավուշում և Սյունիքում ջերմաստիճանի բարձրացումը կարող է հասնել 7-10 աստիճանի։