Մոսկվան հրավիրել է Նիկոլ Փաշինյանին՝ Մայիսի 9-ի շքերթին. Երևանը դեռ լռում է

Դեսպանը նշել է, որ հրավերներ են ուղարկվել «բոլոր եղբայրական երկրներին»։

Հայաստանում Ռուսաստանի դեսպան Սերգեյ Կոպիրկինը «Ազատության» հետ զրույցում հաստատել է, որ ՀՀ վարչապետ Նիկոլ Փաշինյանին պաշտոնական հրավեր է ուղարկվել մասնակցելու Մոսկվայի Կարմիր հրապարակում կայանալիք Հաղթանակի օրվա շքերթին։

Դեսպանը նշել է, որ հրավերներ են ուղարկվել «բոլոր եղբայրական երկրներին»։ Այնուամենայնիվ, այս պահին հայտնի չէ՝ արդյոք վարչապետը կընդունի հրավերը, թե ոչ։ Հայաստանի կառավարությունը դեռևս որևէ պաշտոնական արձագանք կամ տեղեկություն չի տրամադրել Փաշինյանի աշխատանքային օրակարգի վերաբերյալ։