Մենք Հայաստան-Ադրբեջան գործարքը կնքեցինք 6 շաբաթում. Ուիթքոֆ

Ուիթքոֆի խոսքով՝ գործընթացը եղել է «ամենահեշտ գործարքներից մեկը», քանի որ այն լայնորեն լուսաբանված չի եղել միջազգային մամուլում։

ԱՄՆ նախագահի հատուկ ներկայացուցիչ Սթիվ Ուիթքոֆը հայտարարել է, որ Հայաստան-Ադրբեջան «գործարքը» կնքվել է ընդամենը վեց շաբաթում։

Նա այս մասին խոսել է Մայամիի համալսարանում անցկացված Real Estate Impact ամենամյա համաժողովի ժամանակ։

Ուիթքոֆի խոսքով՝ գործընթացը եղել է «ամենահեշտ գործարքներից մեկը», քանի որ այն լայնորեն լուսաբանված չի եղել միջազգային մամուլում։

«Նրանք պատերազմում էին 37 տարի, իսկ մենք այդ գործարքը կնքեցինք վեց շաբաթում»,- նշել է նա։

Նրա պնդմամբ՝ այժմ Հայաստանի վարչապետն ու Ադրբեջանի նախագահը լավ հարաբերություններ ունեն՝ ԱՄՆ նախագահ Դոնալդ Թրամփի միջնորդությամբ։

Միևնույն ժամանակ, պաշտոնական Երևանը և Բաքուն այս հայտարարության վերաբերյալ առանձին մեկնաբանություններով դեռ չեն հանդես եկել։