Խոշոր թմրանյութերի շրջանառության և փողերի լվացման գործը փոխանցվել է դատախազություն

Երեք անձանց նկատմամբ հարուցվել է հանրային քրեական հետապնդում՝ առանձնապես խոշոր չափերով թմրամիջոցների իրացման և փողերի լվացման հոդվածներով։

ՀՀ քննչական կոմիտեն ավարտել է առանձնապես խոշոր չափերով թմրամիջոցների ապօրինի իրացման և փողերի լվացման դեպքերի առթիվ հարուցված երեք քրեական վարույթների նախաքննությունը։

ՔԿ հաղորդմամբ՝ երեք անձ՝ Հ.Ե.-ն, Հ.Մ.-ն և Դ.Հ.-ն, ապօրինի ձեռք են բերել տարբեր տեսակի թմրամիջոցներ՝ դրանք իրացնելու նպատակով։

Նրանք կազմակերպել են թմրամիջոցների փաթեթավորում, թաքստոցներում տեղադրում և տեղակայման վայրերի փոխանցում գնորդներին՝ «Տելեգրամ» հավելվածի միջոցով գործող առցանց հարթակների միջոցով։

Թմրամիջոցների գտնվելու վայրերը լուսանկարահանվել են, իսկ կոորդինատները փոխանցվել գնորդներին՝ վճարումների դիմաց, որոնք իրականացվել են կրիպտոարժույթով։

Քննությամբ պարզվել է նաև, որ հանցավոր գործունեությունից ստացված միջոցները՝ տարբեր դեպքերում 583 հազար դրամից մինչև 93.8 մլն դրամ, փոխանցվել են տարբեր հաշիվների, փոխակերպվել և կանխիկացվել՝ դրանց իրական ծագումը թաքցնելու նպատակով։

Երեք անձանց նկատմամբ հարուցվել է հանրային քրեական հետապնդում՝ առանձնապես խոշոր չափերով թմրամիջոցների իրացման և փողերի լվացման հոդվածներով։

Քրեական վարույթները մեղադրական եզրակացությամբ ուղարկվել են հսկող դատախազին։