ԿԸՀ-ն հրապարակել է հենաշարժական խնդիրներ ունեցող ընտրողների տեղամասերի ցանկը

Դիմումների ընդունման վերջնաժամկետը մայիսի 26-ն է, ժամը 14:00-ն։

Կենտրոնական ընտրական հանձնաժողովը (ԿԸՀ) հրապարակել է հենաշարժական խնդիրներ ունեցող ընտրողների համար մատչելի և մասամբ մատչելի տեղամասային կենտրոնների թարմացված ցանկը։ Սա նպատակ ունի ապահովել բոլոր քաղաքացիների անխոչընդոտ մասնակցությունը ընտրական գործընթացներին։

Այն ընտրողները, ովքեր ցանկանում են քվեարկել իրենց հաշվառման վայրից տարբերվող, սակայն մատչելի պայմաններ ունեցող տեղամասում, պետք է դիմում ներկայացնեն ՆԳՆ Միգրացիայի և քաղաքացիության ծառայություն։ Դիմումների ընդունման վերջնաժամկետը մայիսի 26-ն է, ժամը 14:00-ն։

Դիմումում անհրաժեշտ է նշել նախընտրած մատչելի տեղամասի համարը և կցել հաշմանդամության խումբը հաստատող փաստաթուղթը։ Կարևոր է նաև, որ հաշմանդամություն ունեցող անձինք հնարավորություն ունեն դիմումը ստորագրել իրենց նախընտրած ձևով։