ԿԸՀ-ն հյուրընկալել է ընտրություններին մասնակցելու համար օգտահաշիվ ստանալու հայտ ներկայացրած ուժերին

ՀՀ Կենտրոնական ընտրական հանձնաժողովը հյուրընկալել է ԱԺ ընտրություններին մասնակցել ցանկացող կուսակցություններին և դաշինքներին։

ԿԸՀ նախագահ Վահագն Հովակիմյանը նշել է, որ հանդիպման նպատակը նոր թվային գործիքակազմերի ներկայացումն է։

Քաղաքական ուժերը մինչև ապրիլի 23-ը պետք է էլեկտրոնային եղանակով դիմեն՝ օգտահաշիվ ստանալու համար։

Այդ օգտահաշիվը հնարավորություն կտա ներբեռնել ընտրողների ցուցակները, ներկայացնել նախընտրական ծրագրերը, ինչպես նաև թեկնածուների գույքի և եկամուտների հայտարարագրերը։

ԿԸՀ ներկայացուցիչները ներկայացրել են նաև համակարգի տեխնիկական հնարավորությունները։

Միաժամանակ նշվել է, որ հայտարարագրեր չներկայացնելու դեպքում նախատեսվում է վարչական պատասխանատվություն։

Հանձնաժողովը նախատեսում է նաև կազմակերպել դասընթացներ քաղաքական ուժերի վստահված անձանց համար։