Կարգավորող մարմինը մերժել է «Հայաստանի էլեկտրական ցանցերի» գործով վարույթը կասեցնելու միջնորդությունը

Միջնորդագիրը ներկայացվել է ՓԲԸ-ի սեփականատեր «Տաշիր Կապիտալ» ընկերության ներկայացուցիչների կողմից:

«Հայաստանի էլեկտրական ցանցեր» ՓԲԸ-ի դեմ գործի վարույթը կասեցնելու միջնորդությունը մերժվել է: Համապատասխան որոշումը կայացվել է Հայաստանի Հանրային ծառայությունները կարգավորող հանձնաժողովի (ՀԾԿՀ) նոյեմբերի 17-ին կայացած նիստում:

Միջնորդագիրը ներկայացվել է ՓԲԸ-ի սեփականատեր «Տաշիր Կապիտալ» ընկերության ներկայացուցիչների կողմից: ՀԾԿՀ-ն արդեն երրորդ նիստն է անցկացնում և գործը վերաբերում է «Հայաստանի էլեկտրական ցանցեր» ընկերությանը էլեկտրաէներգիայի բաշխման լիցենզիայից զրկելուն:

«Տաշիր» ընկերությունների խումբը պատկանում է Հայաստանում ձերբակալված գործարար Սամվել Կարապետյանին՝ իշխանությունը զավթելու կոչեր անելու մեղադրանքով։ Ինքը՝ Կարապետյանը և նրա կողմնակիցները հերքում են այդ մեղադրանքները՝ իշխանությունների գործողություններն անվանելով հետապնդում և Հայ առաքելական եկեղեցու դեմ ուղղված արշավի մաս։