Իրանում և Իսրայելում հայերի շրջանում տուժածներ չկան

Հիմնականում թիրախավորվում են ռազմական օբյեկտները։

Իրանում և Իսրայելում տուժած քաղաքացիների շրջանում հայեր չկան։ Այս մասին հայտնել են Սփյուռքի գործերի գլխավոր հանձնակատարի գրասենյակից։

Գրասենյակի մամուլի խոսնակ Նելլի Ղուլյանի խոսքով՝ աշխատանքները շարունակվում են արտակարգ ռեժիմով։

«Իրանում հեռախոսային և ինտերնետ կապի խափանումներ կան, բայց օրվա ընթացքում գոնե մեկ անգամ կապ հաստատել ստացվում է։ Այս պահին չունենք տեղեկություն որևէ հայի տուժած կամ վիրավոր լինելու վերաբերյալ։ Իրանում բնակվող հայերից Հայաստան տեղափոխվելու վերաբերյալ հարցումներ չենք ստացել։ Բնակիչները հիմնականում տներում են կամ ապաստարաններում»,– նշել է նա։

Նելլի Ղուլյանի խոսքով՝ Իսրայելում նույնպես հայերի շրջանում տուժածների մասին տեղեկություններ չկան։

«Հիմնականում թիրախավորվում են ռազմական օբյեկտները, հայկական թաղամասերի շրջանում հարվածների մասին տեղեկություն չունենք»,– հավելել է նա։