Իրանն ու Թուրքիան ընդհանուր սահմանին նոր անցակետ են բացել

Իրանն ու Թուրքիան ընդհանուր սահմանին նոր անցակետ են բացել

Իրանն ու Թուրքիան ընդհանուր սահմանին բացել են «Գյուրբուլաք» անցակետը, ինչը, ինչպես ակնկալվում է, զգալիորեն կամրապնդի երկկողմ տնտեսական համագործակցությունն ու տարանցիկ ներուժը. հայտնում է Mehr-ը։

Իրանի հետ ընդհանուր սահմանի թուրքական կողմում գտնվող «Գյուրբուլաք» անցակետը պաշտոնապես բացվել է ուրբաթ օրը՝ հարևան երկու երկրների պաշտոնյաների մասնակցությամբ տեղի ունեցած արարողության ժամանակ:

Բացման արարողությունը տեղի է ունեցել Թուրքիայի տարածքում՝ Իրանի Արևմտյան Ադրբեջան նահանգի նահանգապետ Ռեզա Ռահմանիի, Թուրքիայի առևտրի նախարար Օմեր Բոլատի և մի շարք իրանցի ու թուրք պաշտոնյաների մասնակցությամբ։

Պաշտոնյաները հայտարարել են, որ «Գյուրբուլաք» մաքսային կետի բացումը կարևոր դեր կխաղա երկու երկրների միջև տնտեսական համագործակցության ընդլայնման գործում։

Նոր անցակետը գտնվում է «Բազարգան» մաքսային տերմինալի դիմաց և համարվում է Իրանի կարևորագույն տարանցիկ կետերից մեկը։ Այս սահմանային անցակետով տարեկան անցնում է շուրջ 200,000 տարանցիկ բեռնատար։