Ինչ փոփոխությունների են ենթարկվել շինարարության ծավալները Հայաստանում․ համեմատական վիճակագրություն

Այս տարվա 9 ամիսներին Հայաստանում շինարարության ծավալները 20.7 տոկոսով գերազանցել են 2024 թվականի հունվար-սեպտեմբերի ցուցանիշը:

Այս մասին հայտնում է ՀՀ վիճակագրական կոմիտեն:

Նշված ժամանակահատվածում կատարվել է 462 մլրդ 162 մլն դրամի շինարարություն, որից 87 մլրդ 308.9 մլն դրամի՝ սեպտեմբերին: Դա 22 տոկոսով ավել է նախորդ տարվա նույն ամսվա ցուցանիշից: 

Առավել շատացել է համայնքների միջոցներով իրականացված շինարարությունը, որի ծավալը նախորդ տարվա առաջին 9 ամիսների համեմատ ավելացել է 41.8 տոկոսով՝ գնահատվելով 21 մլրդ 192.7 մլն դրամ: Դա կազմում է շինարարության ընդհանուր ծավալի 4.6 տոկոսը: 

Այս տարվա սեպտեմբերին՝ 2024-ի նույն ամսվա համեմատ, համայնքների միջոցներով իրականացված շինարարության ծավալն ավելացել է 93.5 տոկոսով՝ գնահատվելով 5 մլրդ 417.4 մլն դրամ: 

Պետական բյուջեի միջոցներով իրականացված շինարարությունը 2025-ի հունվար-սեպտեմբերին մեկամյա կտրվածքով ավելացել է 32.4 տոկոսով՝ 116 մլրդ 765.4 մլն դրամ: Դա ընդհանուր ծավալի 25.2 տոկոսն է: 

Սեպտեմբերին պետական բյուջեի միջոցներով իրականացված շինարարության ծավալը 59.4 տոկոսով գերազանցել է նախորդ տարվա նույն ամսվա ցուցանիշը՝ գնահատվելով 28 մլրդ 533.7 մլն դրամ: 

Կազմակերպությունների միջոցներով իրականացված շինարարության ծավալը նախորդ տարվա հունվար-սեպտեմբերի համեմատ ավելացել է 17.9 տոկոսով՝ գնահատվելով 221 մլրդ 177.4 մլն դրամ: Դա ընդհանուր ծավալի 47.9 տոկոսն է: Սեպտեմբերին ծավալը 6.8 տոկոսով է գերազանցել 2024-ի նույն ամսվա ցուցանիշը՝ կազմելով 39 մլրդ 982.9 մլն դրամ: 

Բնակչության միջոցներով իրականացված շինարարության ծավալը տարվա առաջին 9 ամիսներին 14.7 տոկոսով է գերազանցել 2024-ի նույն ժամանակահատվածի ցուցանիշը՝ գնահատվելով 101 մլրդ 693.5 մլն դրամ: Դա ընդհանուր ծավալի 22 տոկոսն է: 

Սեպտեմբերին մեկամյա կտրվածքով աճը կազմել է 7.9 տոկոս՝ գնահատվելով 13 մլրդ 24.9 մլն դրամ: 

Փոխարենը հունվար-սեպտեմբերին՝ նախորդ տարվա նույն ժամանակահատվածի համեմատ 57.2 տոկոսով նվազել է մարդասիրական օգնության միջոցներով իրականացված շինարարությունը, որի ծավալը գնահատվել է 1 մլրդ 333 մլն դրամ՝ կազմելով ընդհանուրի 0.3 տոկոսը: Սեպտեմբերին ցուցանիշը նախորդ տարվա նույն ամսվա համեմատ նվազել է 69.1 տոկոսով՝ գնահատվելով 350 մլն դրամ: