Հունգարիան չի կարող հրաժարվել ռուսական նավթից. Մադյար

Նա հույս է հայտնել, որ Ուկրաինան կվերականգնի մատակարարումները ապրիլի վերջին, ինչպես նախկինում խոստացվել էր։

Հունգարիայի ընտրություններում հաղթած «Տիսա» կուսակցության առաջնորդ Պետեր Մադյարը հայտարարել է, որ ռուսական նավթի մատակարարումները կենսական նշանակություն ունեն երկրի համար։

Նրա խոսքով՝ «Դրուժբա» խողովակաշարով մատակարարումները Հունգարիայի էներգետիկ անվտանգության առանցքային տարրերից են։

«Այս պահին Հունգարիան պարզապես չի կարող հրաժարվել դրանից։ Աշխարհագրական տեսանկյունից դա անհնար է», — նշել է Մադյարը։

Նա հույս է հայտնել, որ Ուկրաինան կվերականգնի մատակարարումները ապրիլի վերջին, ինչպես նախկինում խոստացվել էր։

Մադյարը նաև նշել է, որ դեռ չի ստանձնել վարչապետի պաշտոնը, և այդ հարցը մնում է գործող վարչապետ Վիկտոր Օրբանի իրավասության տակ։

Սպասվում է, որ նա կստանձնի պաշտոնը մայիսի սկզբին՝ խորհրդարանի առաջին նիստից հետո։