Կրակոցներ Թուրքիայի դպրոցներից մեկում․ կան վիրավորներ և պատանդներ

Թուրքիայի Շանլըուրֆա նահանգի Սիվերեկ շրջանի դպրոցներից մեկում տեղի է ունեցել զինված հարձակում։

Թուրքական NTV հեռուստաալիքի փոխանցմամբ՝ աշակերտը հրացանով ներխուժել է շենք և կրակ բացել։

Նախնական տվյալներով՝ միջադեպի հետևանքով յոթ մարդ է վիրավորվել։

Հաղորդվում է նաև, որ հարձակվողը մի քանի աշակերտի պատանդ է վերցրել։

Դեպքի վայրում աշխատում են ոստիկանության ուժերը և շտապօգնության բրիգադները։

Իրավիճակի վերաբերյալ մանրամասները ճշտվում են։