Գերմանիայում առանց ուղետոմսի երթևեկությունը կշարունակի քրեորեն պատժելի մնալ

Չնայած ձախակողմյան ուժերի և «Կանաչների» երկարատև ջանքերին՝ Գերմանիայում անտոմս երթևեկությունը շարունակում է մնալ քրեորեն պատժելի արարք, ինչը երկրում գործում է դեռևս 1935 թվականից։

Գերմանիայի խորհրդարանը՝ Բունդեսթագը, դեմ է քվեարկել հասարակական տրանսպորտից առանց տոմսի օգտվելու համար նախատեսված քրեական պատասխանատվությունը չեղարկելու նախագծերին։ 

Չնայած ձախակողմյան ուժերի և «Կանաչների» երկարատև ջանքերին՝ Գերմանիայում անտոմս երթևեկությունը շարունակում է մնալ քրեորեն պատժելի արարք, ինչը երկրում գործում է դեռևս 1935 թվականից։ 

Ուշագրավ է, որ նախագծին դեմ են քվեարկել ոչ միայն պահպանողական ՔԴՄ/ՔՍՄ դաշինքն ու աջ ծայրահեղական «Այլընտրանք Գերմանիայի համար» կուսակցությունը, այլև Սոցիալ-դեմոկրատները, որոնք նախկինում հակված էին փոփոխությունների։

Փորձագիտական տվյալներով՝ Գերմանիայում ուղևորների մոտ 3,5%-ը երթևեկում է առանց վճարման։ Թեև օրենքը նախատեսում է ազատազրկում, գործնականում ճաղերի հետևում հայտնվում են միայն նրանք, ովքեր պարբերաբար բռնվում են առանց տոմսի կամ ի վիճակի չեն լինում վճարել նշանակված տուգանքները։