Եվրոպական քաղաքական համայնքի գագաթաժողովը քաղաքական մեծ նշանակություն ունի ՀՀ-ի միջազգային հեղինակության համար. վարչապետ

Վարչապետը կարևորել է գագաթնաժողովի բարձր մակարդակով անցկացումը և տվել հանձնարարականներ հետագա աշխատանքների վերաբերյալ։

Վարչապետ Նիկոլ Փաշինյանի գլխավորությամբ տեղի է ունեցել հանդիպում, որի ընթացքում քննարկվել են Եվրոպական քաղաքական համայնքի (EPC) 8-րդ գագաթաժողովի կազմակերպմանն ու անցկացմանը վերաբերող հարցեր։

ՀՀ կառավարության փոխանցմամբ՝ վարչապետը նշել է, որ մայիսի 4-ին Երևանում կայանալիք գագաթնաժողովը մեծամասշտաբ միջոցառում է և ունի կարևոր քաղաքական նշանակություն Հայաստանի միջազգային հեղինակության համար։

Նիկոլ Փաշինյանի խոսքով՝ արդեն իրականացվել է զգալի աշխատանք՝ միջոցառումը բարձր մակարդակով կազմակերպելու ուղղությամբ, իսկ հանդիպման նպատակը կատարված աշխատանքների ամփոփումն ու հետագա քայլերի հստակեցումն էր։

Վարչապետի աշխատակազմի ղեկավար Արայիկ Հարությունյանը նշել է, որ նախապատրաստական աշխատանքները մոտենում են ավարտին։

Հանդիպման ընթացքում ներկայացվել են միջոցառման կոնցեպտը, հայեցակարգային պլանավորումը, ինչպես նաև կազմակերպչական հարցերը՝ ներառյալ ենթակառուցվածքները, տեխնիկական հագեցվածությունը և լոգիստիկ լուծումները։

Վարչապետը կարևորել է գագաթնաժողովի բարձր մակարդակով անցկացումը և տվել հանձնարարականներ հետագա աշխատանքների վերաբերյալ։