ԵՄ-ի հանածո վառելիքի ծախսերն աճել են 27 մլրդ եվրոյով՝ Իրանի հակամարտության ֆոնին

Ծախսերի աճը տեղի է ունեցել առանց էներգիայի լրացուցիչ ծավալների ավելացման։

Իրանի շուրջ զարգացող հակամարտության պայմաններում Եվրամիության երկրների հանածո վառելիքի ներկրման ծախսերը ընդամենը 60 օրվա ընթացքում աճել են ավելի քան 27 միլիարդ եվրոյով։ Այս մասին հայտարարել է Եվրահանձնաժողովի նախագահ Ուրսուլա ֆոն դեր Լայենը, հաղորդում է ՌԻԱ Նովոստին։

Նրա խոսքով՝ ծախսերի աճը տեղի է ունեցել առանց էներգիայի լրացուցիչ ծավալների ավելացման։

«Հակամարտության ընդամենը 60 օրվա ընթացքում հանածո վառելիքի ներկրման մեր ծախսերն աճել են ավելի քան 27 միլիարդ եվրոյով՝ առանց էներգիայի որևէ լրացուցիչ միավորի ավելացման»,- նշել է նա։

Ֆոն դեր Լայենը նաև զգուշացրել է, որ հակամարտության տնտեսական հետևանքները կարող են զգացվել ամիսներ կամ նույնիսկ տարիներ շարունակ։