Վարորդական իրավունք ստանալու կարգը կարող է փոխվել․ ինչ է նախատեսվում

Նախաձեռնությունն արդեն դրվել է հանրային քննարկման։

ՀՀ ներքին գործերի նախարարությունը հանրային քննարկման է ներկայացրել վարորդական իրավունքի ստացման գործընթացում փոփոխություններ նախատեսող նախագիծ։

Առաջարկվում է տեսական քննությունը հաջողությամբ հանձնելուց հետո գործնական քննությանը մասնակցելու համար սահմանված ժամկետը մեկ տարվա փոխարեն դարձնել երկու տարի։

ՆԳՆ-ի գնահատմամբ՝ այս փոփոխությունը քաղաքացիներին հնարավորություն կտա ավելի լավ պատրաստվել գործնական քննությանը և կթուլացնի ժամկետային սահմանափակումների ազդեցությունը։

Նախագծով նախատեսվում է նաև հստակեցնել տեսական քննության բովանդակությունը։

Մասնավորապես՝ թեստերում կներառվեն միայն այն կարգին կամ ենթակարգին համապատասխան հարցերը, որոնց համար դիմորդը հանձնում է քննությունը։

Գերատեսչության կարծիքով՝ փոփոխությունները կդարձնեն գործընթացը ավելի նպատակային, արդար և արդյունավետ։

Նախաձեռնությունն արդեն դրվել է հանրային քննարկման։