Ինչ է կատարվել Հայաստանի և միջազգային տնտեսական աշխարհում

ՏԵՂԱԿԱՆ

Վարչապետի գլխավորությամբ քննարկվել է ՀՀ զբոսաշրջության զարգացման 2026–2030 թթ․ ռազմավարությունը

Շեշտը դրված է նոր զբոսաշրջային ուղղությունների ձևավորման, ներգնա/արտագնա հոսքերի աճի և նոր շուկաների թիրախավորման վրա։

ՀՀ բանկային համակարգի ակտիվները հոկտեմբերին կազմել են 11․6 տրիլիոն դրամ

Տարեկան աճը՝ 16.1%։ Տվյալները հրապարակել է ԿԲ-ն։

Սիսիան–Քաջարան ճանապարհի ֆինանսական պայմանագրում փոփոխություններ են արվել

Նոր փոփոխություններով կհամաֆինանսավորվեն Հյուսիս–հարավի 27.1 կմ հյուսիսային և 24.25 կմ հարավային ենթահատվածները։

ՀՀ սպառողական շուկայում 12-ամսյա գնաճը կազմել է 3.7%

Արտահանման միջին գները աճել են 5.4%-ով, ներմուծումը՝ նվազել 5.8%-ով։
Արդյունաբերական արտադրանքը 10 ամիսում նվազել է 3%-ով։

Հայաստանի և Ալբանիայի ԱԳ նախարարները քննարկել են տնտեսական նորարարությունների իրացումը

Կողմերը պատրաստակամություն են հայտնել մեծացնելու համագործակցությունը տարբեր ոլորտներում, ինչպես նաև ԵՄ-ին առնչվող ինտեգրացիոն գործընթացներում։

ՄԻՋԱԶԳԱՅԻՆ

Ճապոնիան քննարկում է եկամտային հարկի բարձրացումը 2027-ին՝ պաշտպանական ծախսերը ֆինանսավորելու համար

Պաշտպանական ծախսերը նախատեսվում է հասցնել 43 տրիլիոն իենի՝ անվտանգության սպառնալիքների աճի պայմաններում։

Սլովակիան և Հունգարիան պատրաստ են ԵՄ դատարանում պաշտպանել ռուսական գազի ներմուծման իրենց իրավունքը

ԵՄ-ը նախատեսում է 2027-ից փուլային կերպով հրաժարվել ռուսական գազից, սակայն երկու երկրները չեն համաձայնում այդ մոտեցմանը։

Վրաստանում բիզնես հատվածում զբաղվածների թիվն աճել է 3.3%-ով

Զբաղվածների թիվը հասել է 814.7 հազարի։ Կանայք կազմում են 43%, տղամարդիկ՝ 57%։

ԱՄՆ-ը չի թույլ տա իր թշնամական երկրներին վերահսկել Մերձավոր Արևելքի էներգառեսուրսները

Ըստ ԱՄՆ ազգային անվտանգության ռազմավարության՝ Վաշինգտոնը կխուսափի երկարատև պատերազմներից, բայց կպաշտպանի իր էներգետիկ շահերը տարածաշրջանում։