Կոնվերս Բանկը՝ Արմլիզինգի 1 մլրդ ՀՀ դրամ պարտատոմսերի տեղաբաշխող

Կոնվերս Բանկը հանդես է գալիս Արմլիզինգի պարտատոմսերի տեղաբաշխող:

Եվ այս անգամ ընձեռում է հնարավորություն ոչ միայն իրավաբանական, այլև ֆիզիկական անձանց ձեռք բերել ԿԲ կողմից վերահսկվող ֆինանսական ոչ բանկային կազմակերպության արժեթղթեր:

Պարտատոմսերի ընդհանուր ծավալը 1 մլրդ ՀՀ դրամ է, շրջանառության ժամկետը 36 ամիս է, արժեկտրոնը՝ 12%, իսկ վճարումը կատարվելու է եռամսյակային պարբերականությամբ։

Պարտատոմսերը տեղաբաշխվելու են Հայաստանի ֆոնդային բորսայում աճուրդի միջոցով: Տեղաբաշխման աճուրդները տեղի կունենան 04.02.2026- 11.02.2026թթ. ներառյալ աշխատանքային օրերին` ժամը 11:00-13:00, մինչև թողարկված 1 մլրդ ՀՀ դրամ ծավալի ամբողջական տեղաբաշխումը:

Բանկի միջոցով պարտատոմսեր ձեռք բերելու հայտ ներկայացնելու համար ներդրողները պետք է ունենան ՀՀ դրամով և արժեթղթերի հաշիվներ, ներդրումային ծառայությունների մատուցման պայմանագիր:

Այլ մանրամասների համար խնդրում ենք աճուրդից առնվազն մեկ օր առաջ կապ հաստատել Բանկի հետ հետևյալ հնարավոր տարբերակներով.

·         Զանգահարել Բանկի զանգերի կենտրոն +374 10 511211

·         Այցելել Կոնվերս Բանկի ցանկացած մասնաճյուղ

·         Գրել [email protected] կամ [email protected] էլ. հասցեներին

Աճուրդին հնարավոր է մասնակցել նաև Բորսայի ցանկացած անդամի միջոցով․ ցանկը հասանելի է այստեղ:

Տեղաբաշխման ավարտից հետո պարտատոմսերը ցուցակման են ներկայացվելու Հայաստանի ֆոնդային բորսա:

Պարտատոմսերի Ծրագրային ազդագրին ու թողարկման վերջնական պայմաններին հնարավոր է ծանոթանալ Կոնվերս Բանկի պաշտոնական կայքում՝ conversebank.am և Արմլիզինգի կայքում` armleasing.am։

Հարցերի դեպքում կարող եք զանգահարել 010 511 211

Կոնվերս Բանկը և Արմլիզինգ ՈՒՎԿ-ն վերահսկվում են ՀՀ կենտրոնական բանկի կողմից: