Չինաստանը կխթանի ներմուծումը՝ նվազեցնելու առևտրային անհավասարակշռությունը

2025 թվականին երկրի ներմուծման ծավալը հասել է 18.5 տրիլիոն յուանի:

Չինաստանը մտադիր է ընդլայնել ներմուծման ծավալները՝ նվազեցնելու առևտրային անհավասարակշռության վերաբերյալ մտահոգությունները։

Այս մասին հայտարարել է ՉԺՀ Պետական խորհրդի փոխվարչապետ Հե Լիֆենը՝ Հայնանում անցկացվող Սպառողական ապրանքների միջազգային ցուցահանդեսի բացման ժամանակ։

Նրա խոսքով՝ Չինաստանը նպատակ չունի միտումնավոր առևտրային հավելուրդ ձևավորել և մոտ ապագայում կներկայացնի ներմուծման ընդլայնման հատուկ ծրագիր։

Պաշտոնյայի տվյալներով՝ 2025 թվականին երկրի ներմուծման ծավալը հասել է 18.5 տրիլիոն յուանի, և Չինաստանը արդեն 17-րդ տարին անընդմեջ զբաղեցնում է երկրորդ տեղը աշխարհում այս ցուցանիշով։

Միաժամանակ կառավարությունը նախատեսում է իրականացնել բնակչության եկամուտների բարձրացման ծրագիր՝ ուղղված ինչպես քաղաքային, այնպես էլ գյուղական բնակավայրերին։

Այս քայլը միտված է բարձրացնելու գնողունակությունը և խթանելու ներքին սպառումը։