Սևանում բացվել է Հայաստանի դրամաշրջանառության պատմությանը նվիրված ԿԲ ցուցահանդեսը

Կենտրոնական բանկի նախաձեռնությամբ Սևանում մեկնարկել է Հայաստանի դրամաշրջանառության պատմությանը նվիրված ցուցահանդեսը, որը մարզերում իրականացվող արդեն 16-րդ կանգառն է։

Ավելի քան 2400 տարվա պատմություն ներկայացնող ցուցադրությունը ներառում է եզակի դրամներ՝ հնագույն ժամանակներից մինչև մեր օրերը։

Ցուցահանդեսը ոչ միայն պատմական էքսկուրս է, այլև ֆինանսական կրթության հարթակ․ այցելուներին ներկայացվում են ժամանակակից ֆինանսական համակարգը, անվտանգ գործարքների կանոնները և ֆինանսական գրագիտության հիմունքները՝ հասանելի և ինտերակտիվ ձևաչափով։

Ծրագիրը Սևանում կգործի մինչև ապրիլի 21-ը, որից հետո ցուցանմուշները կվերադառնան Երևան։




*գովազդ