Պեկինը սպառնում է պատասխան քայլերով. Չինաստանն ու ԱՄՆ-ը՝ հեռահաղորդակցության նոր հակամարտության շեմին

Պեկինը կոչ է անում Վաշինգտոնին վերադառնալ «տեխնոլոգիական չեզոքության» սկզբունքին

Չինաստանի առևտրի նախարարությունը հանդես է եկել խիստ հայտարարությամբ՝ զգուշացնելով Վաշինգտոնին ձեռնպահ մնալ հեռահաղորդակցության ոլորտում նոր սահմանափակումներից։ Պեկինը պատրաստ է ձեռնարկել «բոլոր անհրաժեշտ միջոցները» սեփական ձեռնարկությունների շահերը պաշտպանելու համար։

Չինական կողմը մեղադրում է ԱՄՆ Կապի դաշնային հանձնաժողովին (FCC) «ազգային անվտանգության» հայեցակարգը չարաշահելու և շուկայական կանոնները խախտելու մեջ։ Ըստ հայտարարության՝ ամերիկյան սահմանափակումները խտրական են և կարող են խաթարել էլեկտրոնիկայի մատակարարման համաշխարհային շղթաների կայունությունը։ Պեկինը կոչ է անում Վաշինգտոնին վերադառնալ «տեխնոլոգիական չեզոքության» սկզբունքին և չեղարկել խտրական որոշումները։