Ուշադրություն վարորդներին. Մայիսի 8-ից Երևանի մի շարք փողոցներում կանգառն արգելվելու է

Երևանի քաղաքապետարանը տեղեկացնում է, որ մայիսի 8-ից մայրաքաղաքի երեք վարչական շրջանների մի շարք փողոցներում երթևեկության կազմակերպման փոփոխություններ կիրականացվեն։

Մասնավորապես, տրանսպորտային միջոցների կայանումն ու կանգառը կարգելվեն հետևյալ հատվածներում.

• Նոր Նորք. Պավել Սաֆյան անցուղու և Նելսոն Ստեփանյան փողոցի խաչմերուկից մինչև Ն. Ստեփանյան 1/11 հասցեի հանդիպակաց հատված։

• Աջափնյակ. Ֆուչիկի փողոցի 27/45 հասցեի հանդիպակաց հատվածից մինչև Ֆուչիկի 30 հասցեին հարակից ճանապարհահատված։

• Քանաքեռ-Զեյթուն. Դրոյի փողոցի 4-րդ նրբանցքի և Պարույր Սևակի փողոցի խաչմերուկից մինչև Դրոյի 4-րդ նրբանցքի 25/3 հասցեին հարակից հատվածի երկու կողմերում։