Հայաստանը ռուսական շոկոլադի խոշորագույն ներկրողների հնգյակում է

Ռուսաստանից շոկոլադե արտադրանքի ամենախոշոր գնորդը եղել է Ղազախստանը։

Հայաստանը հայտնվել է ռուսական շոկոլադի խոշորագույն ներկրողների առաջին հնգյակում։ Տվյալները վերաբերում են 2025 թվականի հունվար–սեպտեմբեր ժամանակահատվածին։

Վիճակագրության համաձայն՝ Ռուսաստանից շոկոլադե արտադրանքի ամենախոշոր գնորդը եղել է Ղազախստանը, որը ներմուծել է մոտ 192 միլիոն դոլարի արտադրանք։ Երկրորդ և երրորդ տեղերում են Բելառուսն ու Ուզբեկստանը՝ համապատասխանաբար 123 միլիոն և 68 միլիոն դոլարի ներմուծմամբ։

Առաջին հնգյակում ընդգրկված են նաև Ադրբեջանը, որը ռուսական շոկոլադ է ներմուծել մոտ 48 միլիոն դոլարի չափով, և Հայաստանը՝ շուրջ 28.5 միլիոն դոլարի ներմուծմամբ։

Տվյալները ցույց են տալիս, որ ռուսական շոկոլադե արտադրանքը շարունակում է պահանջարկ վայելել հետխորհրդային տարածքում՝ պահպանելով կայուն արտահանման շուկաներ։