Հայաստանն ու Թուրքիան քննարկում են ուսանողների համար կրթաթոշակների ծրագիր

Երևանն ու Անկարան արդեն ունեն մի շարք պայմանավորվածություններ։

Հայաստանի և Թուրքիայի միջև քննարկվում է երկու երկրների բուհերում միմյանց ուսանողների համար կրթաթոշակներ սահմանելու հնարավորությունը։

Այս մասին Ազգային ժողովում հայտարարել է ՀՀ արտաքին գործերի նախարար Արարատ Միրզոյանը՝ ներկայացնելով ԱԳՆ 2025 թվականի գործունեության զեկույցը։

Նախարարի խոսքով՝ երկու երկրների միջև առկա է ակտիվ և խոստումնալից երկխոսություն, որն աստիճանաբար զարգանում է տարբեր ուղղություններով։

Նա հիշեցրել է, որ Երևանն ու Անկարան արդեն ունեն մի շարք պայմանավորվածություններ, որոնց իրագործման ուղղությամբ աշխատանքները շարունակվում են։

Միրզոյանը նաև նշել է, որ 2025 թվականի ընթացքում երկու երկրների պաշտոնյաների միջև տեղի են ունեցել բազմաթիվ հանդիպումներ և շփումներ, ինչը վկայում է հարաբերությունների դինամիկ զարգացման մասին։

Կրթաթոշակային ծրագրի քննարկումը դիտարկվում է որպես հնարավոր նոր քայլ՝ կրթական և հումանիտար համագործակցության խորացման ուղղությամբ։