Հակաբիոտիկները կորցնում են իրենց արդյունավետությունը. ԱՀԿ

Հիմնական պատճառը դեղորայքի իռացիոնալ օգտագործումն է:

Առողջապահության համաշխարհային կազմակերպության (ԱՀԿ) տվյալներով՝ այսօր կլինիկական դեպքերի մոտավորապես վեցերորդը կայուն է ստանդարտ հակաբիոտիկների նկատմամբ։ Վերջին տարիներին հակամանրէային դեղամիջոցների նկատմամբ մանրէների կայունության մակարդակն աճել է մոտ 40%-ով, հաղորդում է togliatti24-ը։

Հիմնական պատճառը դեղորայքի իռացիոնալ օգտագործումն է՝ ինքնաբուժումը, վիրուսային վարակների դեպքում դեղատոմսերը, ինչպես նաև ոչ ճիշտ դեղաչափը և ժամկետները։ Սա նպաստում է կայուն շտամների զարգացմանը և տարածմանը։

ԱՀԿ-ն կանխատեսում է, որ համակարգային փոփոխությունների բացակայության դեպքում, կայուն մանրէներից առաջացած վարակները մինչև 2050 թվականը կարող են տարեկան մինչև 10 միլիոն մարդու կյանք խլել՝ դառնալով մահվան հիմնական պատճառը։

Մասնագետներն առաջարկում են մի շարք միջոցառումներ ռիսկերը նվազեցնելու համար. խիստ վերահսկողություն հակաբիոտիկների դեղատոմսով տրամադրման նկատմամբ, հիվանդանոցներում հակամանրէային հսկողություն, անասնապահության մեջ դեղերի օգտագործման սահմանափակումներ, զանգվածային իրազեկում հանրությանը, պատվաստումների ընդլայնում և նոր թերապևտիկ մեթոդների, այդ թվում՝ ֆագոթերապիայի և արագ ախտորոշման մոտեցումների հետազոտությունների ֆինանսավորում: