Անն Հեթուեյը PEOPLE-ի կողմից ճանաչվել է աշխարհի ամենագեղեցիկ կինը

Հեթուեյը երկար ճանապարհ է անցել՝ «Արքայադստեր օրագրերը»-ից մինչև «Թշվառները», որի համար արժանացել է Օսկարի։

Դերասանուհի Անն Հեթուեյը հայտնվել է PEOPLE ամսագրի շապիկին և արժանացել «աշխարհի ամենագեղեցիկ կնոջ» կոչմանը։

Նկարահանումների ընթացքում նա ներկայացել է վառ և ինքնավստահ կերպարով՝ իր սիրելի երաժշտության ներքո։ Սակայն դերասանուհին խոստովանում է, որ կարիերայի սկզբում շատ ավելի խիստ է եղել իր նկատմամբ։

«Ես կարծում էի, որ ավելի լավը կդառնամ, եթե անընդհատ ինձ ճնշեմ»,- նշել է նա՝ հավելելով, որ 40 տարեկանից հետո վերանայել է իր մոտեցումը և սկսել է ավելի ազատ ու հաճույքով աշխատել։

Հեթուեյը երկար ճանապարհ է անցել՝ «Արքայադստեր օրագրերը»-ից մինչև «Թշվառները», որի համար արժանացել է Օսկարի։

2026 թվականին դերասանուհին ունի մի շարք նոր նախագծեր, այդ թվում՝ «Սատանան կրում է Պրադա 2»-ը, որը կթողարկվի մայիսի 1-ին։

Նա նաև ընդգծել է, որ, չնայած հաջողությանը, դերասանի մասնագիտությունը շարունակում է մնալ ռիսկային, իսկ իր գլխավոր հենարանը ընտանիքն է։