Ադրբեջանի տարածքով առաջին անգամ ալյումինի խմբաքանակ կտեղափոխվի Հայաստան

Խմբաքանակը բաղկացած է 11 վագոնից:

Վաղը Ադրբեջանի տարածքով դեպի Հայաստան կիրականացվի հերթական տարանցիկ բեռնափոխադրումը, որն այս անգամ ներառում է նաև ալյումին։ Ինչպես հայտնում է ադրբեջանական Report գործակալությունը՝ հղում անելով «Ադրբեջանական երկաթուղիներ» ՓԲԸ-ին, սա առաջին դեպքն է, երբ նմանատիպ բեռը Հայաստան է հասնում այս երթուղով։

Հաղորդագրության համաձայն՝ խմբաքանակը բաղկացած է 11 վագոնից. 2 վագոն ալյումին, 9 վագոն հացահատիկ։

Սա վերջին օրերին հայտարարված տարանցիկ փոխադրումների շարունակությունն է, որոնք իրականացվում են Ադրբեջանի տարածքով։